Rinconciño máxico

viernes, 23 de diciembre de 2022

BO NADAL

Fai clic no enlace para ver a celebración do fin de trimestre

AS DOCE CAMPANADAS

jueves, 25 de febrero de 2021

Recitando a Rosalía: Cando a luniña aparece

lunes, 22 de febrero de 2021

domingo, 21 de febrero de 2021

24 de febreiro: DÍA DE ROSALIA

Cando a luniña aparece

Cando a luniña aparece
i o sol nos mares se esconde,
todo é silencio nos campos,
todo na ribeira dorme.
Quedan as veigas sin xente,
sin ovelliñas os montes,
a fonte sin rosas vivas,
os árbores sin cantores.
Medroso o vento que pasa
os pinos xigantes move,
i á voz que levanta triste,
outra máis triste responde.
Son as campanas que tocan,
que tocan en sons de morte,
i ó corasón din: "N'olvides
ós que para sempre dormen."

¡Qué triste! ¡Qué hora tan triste
aquela en que o sol se esconde,
en que as estreliñas pálidas
tímidamente relosen!
Aló as montañas confusas
de espesas niebras se croben,
i a casa branca en que el vive,
en sobra espesa se envolve.
En vano miro e máis miro,
que os velos da negra noite
entre ela i os meus olliños
traidoramente se poñen.

sábado, 7 de noviembre de 2020

sábado, 31 de octubre de 2020

SAMAÍN

Corre corre, cabaciña ...

Como o fixemos?

Resultado final ...

EL MOUNSTRUO ROSA

En Educación en Valores durante esta semana estamos argallando pequenas actividades como a que amosamos a continuación.....

Vega, Ivone, Abdelilah, Nicole, Jade e Valentina fixeron este fermoso debuxo onde nos queren transmitir o marabilloso que é vivir nun País de Cores, onde a riqueza está na diversidade e na diferenza entre as persoas que nos rodean.

sábado, 20 de junio de 2020

PARABÉNS VEGA

Hoxe está de aniversario a nosa compañeira Vega de 1ºA.

Moitas felicidades polo aniño que celebras hoxe!

Unha aperta forte!

jueves, 18 de junio de 2020

NORABOA A TODOS /AS E FELICES VACACIÓNS.

Paseniño, paseniño comezamos o camiño.
Entre a néboa buscamos ecos
de prata e raiolas de millo,
arrolados polas cantigas dos piñeiros
que tentan calmar o vento,
sempre ó axexo, á beira do camiño.

Antonio García Teijeiro.

Nenos e nenas de Primeiro:

Como nos di o poema este ano todos tivemos que facer un esforzo especial para día a día e pasiño a pasiño acadar a nosa meta e finalizar o curso. Cada un de vós fostes un eco de prata e unha raiola que contaxiaba aos compañeiros para facer as tarefas e animaba ás familias e ás mestras que buscabamos entre a néboa da incertidume fórmulas para guiarvos neste tempo de confinamento.
Non era doado calmar a este vendaval do Coronavirus pero fostes todo un exemplo de valentía que nos deixou a todos abraiados. Por todo isto, grazas.
Agora chega o verán e as vacacións, os nosos mellores desexos para todos e todas así como para as vosas familias. Disfrutar moito que ben o merecedes!
E da miña parte dicirvos que foi un gusto compartir con vós este camiño e paseniño a paseniño chegar ao noso destino.

miércoles, 17 de junio de 2020

FIN DE CURSO 1ºA

Queridos alumnos e alumnas de 1ºA:

Chegamos ao remate deste curso tan especial e diferente, todo isto por diferentes motivos.

Comezábades unha nova etapa alá polo mes de setembro, a Educación Primaria, cheos de ilusión e con moitas ganas de aprender cousas novas con todos os vosos compañeiros e compañeiras.

Foi pasando o ano e chegou o mes de marzo.

Neste mes tivemos a visita dun tal COVID-19, o cal nos mandou a todos e todas confinados para casa e nos pillou un pouco por sorpresa, non é? E así comezou unha nova aventura onde os protagonistas, heroes e heroínas, fostes TODOS e TODAS vós.

Traballastes e esforzástesvos como campións e campioas semana tras semana, facendo e participando en todas as actividades que propoñíamos as mestras, desde as fichas de repaso, manualidades, retos, videos, fotos, videoconferencias...

Por todo isto e moito máis, agardo con moita ilusión a chegada do mes de setembro para volver vervos e seguir aprendendo e disfrutar todos xuntos dun novo curso.

Deixovos aquí un pequeno recordo deste curso. Podedes descargala e imprimila se queredes.

Unha aperta moi moi forte para todos e todas!!
Felices vacacións!!

FIN DE CURSO 1°B

Para os que estivestes nas xuntanzas, para os que non, e para todas as clases de primeiro, de novo queremos salientar o voso esforzo e dedicación, para manter a continuidade da nosa labor. Agradecemos a colaboración e implicación das familias nas nosas propostas, a ilusión que nenas e nenos puxeron en cada xogo e tarefa, e agardamos que o noso traballo vos fora útil ao longo destes meses de incerteza.

Non podemos xuntarnos no cole como nos gustaría para poder despedir o curso entre apertas, bailes, sorrisos e bicos, pero non nos rendemos, queremos tentar facer algo especial a modo de despedida e por iso vos deixamos este recordo dun ano especial como agradecemento.

Como mestra de 1ºB tamén quero dar as grazas as miñas compañeiras, que forman un gran equipo!! Isaura, Diana, Ada e Elva!!

Espero volver a vervos a todos e todas!!!! Unha aperta e ata pronto! 😘